Арнайы репортаж. Мемлекеттік рәміз – мақтанышым!

Ел Тәуелсіздігі жариялануының тура 130-шы күні. 1992 жылдың 4 маусымында Қазақстан Республикасының тұңғыш рәміздері: мемлекеттік Туы, Елтаңбасы және біраз уақыттан кейін Әнұраны қабылданды.

Осылайша, бұл елдігіміздің жарқын белгісін білдіретін айрықша тарихи күнге айналды. Бүгінде көгілдір түсті Туымыз бен алтын сәулелі күн орныққан Елтаңбамыз Тәуелсіз Қазақстан бейнесін әлемге паш етіп келеді. Әр қазақстандықтың мақтанышы болған ұлттық нышанымыз қалай қалыптасты? Оны арна тілшісі Асқарбек Қазанғаптың дайындаған арнайы репортажынан көріңіздер.