Ұлан-Батырда бокстан ересектер арасындағы Азия чемпионаты өтті
Моңғолия астанасы Ұлан-Батыр қаласында бокстан ересектер арасындағы жылдың басты жарыстарының бірі Азия чемпионаты өтті. Чемпионатта біздің боксшылар 13 медаль жеңіп алды, оның алтауы - алтын. Соның арқасында жалпы командалық есепте бірінші орынға шықты.
Дәл осы ерекше пішіндегі спорттық сарайда кескілескен айқастар болды. Екі аптаға созылған жарыстың барысында жүріп, күнделікті жекпе-жектерді көріп, жанкүйерлерге ақпараттармен бөлісіп жатырмыз. Ал енді осы жиған-тергенді қорытындылайтын, сараптайтын, яғни өзіндік бір түйін жасайтын уақыт келді.