Әр маман баланың даму ерекшелігін ескереді

Арнайы және инклюзивті білім беруді дамытудың Ұлттық ғылыми-практикалық орталығы ғылыми-әдістемелік және зерттеу қызметін жүйелі түрде жүзеге асырады. Орталықтың зертханаларында еңбек ететін ғылыми қызметкерлер ерекше білім беру қажеттіліктері бар балаларды тәрбиелеу, оқыту және түзете-дамыту жұмыстары бойынша қолданбалы ғылыми зерттеулер жүргізеді. Сонымен қатар баланы тәрбиелеп отырған отбасыларды қолдау мәселелері де зерттеу нысанына алынады.