Үлкен спорт. Украин боксшысы Александр Усик британдық Тони Бельюді нокаутпен ұтты

Бірінші ауыр салмақ дәрежесінде әлемнің абсолютті чемпионы, украин боксшысы Александр Усик британдық Тони Бельюді қапы қалдырды. BBC тілшісі алыптар айқасының аса тартысты өткенін баяндайды. 10 қарашада Манчестерде өткізілген Усик - Белью кездесуінде бес бірдей чемпион белдігі бәске тігілді. Cегізінші раундта күрзі жұдырықты украин жігіті қарсыласын нокаутқа жіберіп, бабында екендігін дәлелдеді. Осылайша Усик бірінші ауыр салмақта алғаш рет әлемнің абсолютті чемпионы атағын қорғап қалды.