Қазақстандық оқушылар биология олимпиадасында төрт медаль жеңіп алды

Қазақстан құрамасы Халықаралық биология олимпиадасында үш күміс және бір қола медаль жеңіп алды. Осылайша, Литваның Вильнюс қаласында 37-ші Халықаралық биология олимпиадасы өз мәресіне жетті.

12-19 шілде аралығында өткен зияткерлік жарысқа 84 елден 330-дан астам дарынды жас маман қатысты. Олимпиада барысында қатысушылар күрделі теориялық тапсырмалармен қатар, терең білім мен зерттеушілік дағдыларды талап ететін зертханалық тәжірибелерді сәтті орындады. Жарыс қорытындысы бойынша отандық құрама 1996 жылы қол жеткізілген үздік нәтижесін қайталады.