434,07 496,10 5,71
+7 (7172) 757 485 24kz@khabar.kz

Қазақстанда Отандық ядролық медицинаны дамытудың жол картасы әзірленеді

  • 187
  • UPD: 14:25, 31.12.2021
Қазақстанда Отандық ядролық медицинаны дамытудың жол картасы әзірленеді Inform.kz

Бүгін Қазақстан Республикасы премьер-министрінің орынбасары Ералы Тоғжановтың төрағалығымен мемлекеттік, жеке құрылымдар мен саланың жетекші мамандарының қатысуымен ядролық медицинаны дамыту мәселелері жөнінде кеңес өтті.

Вице-премьер Қазақстандағы ядролық медицина істерінің қазіргі жай-күйін, түйткілді мәселелері мен перспективалық бағыттарын көтерді.

Денсаулық сақтау вице-министрі Ажар Ғиният баяндама жасады. Ол диагностиканың заманауи әдісін жүргізуді қажет ететін онкологиясы бар пациенттердің саны артып келе жатқанын атап өтті. Қазір Қазақстанда 4 позитронды-эмиссиялық томограф (ПЭТ-орталық) жұмыс істейді: Нұр-Сұлтан қаласында – 2, Алматыда – 1 және Семейде – 1.

Премьер-министрдің орынбасары онкологиялық аурулармен күрес жөніндегі кешенді жоспардың «тиімділігі жоғары ерте диагностика» бағыты аясында алдағы 2 жылда зерттеудің инновациялық әдістері үшін Нұр-Сұлтан, Шымкент, Ақтөбе және Қарағанды қалаларында тағы 4 ПЭТ-орталық ашу жоспарланғанын атап өтті.

Кеңес қорытындысы бойынша Ералы Тоғжанов ПЭТ-орталықтар желісін кеңейту арқылы отандық ядролық медицинаны дамытудың Жол картасын әзірлеуді тапсырды. Сондай-ақ МЖӘ шеңберінде ынтымақтастыққа мүдделі жауапты мемлекеттік компаниялар қатарынан ведомствоаралық жұмыс тобын құруды жүктеді.

Хабар 24 телеарнасы