«Болашақ» стипендиясы 84 азаматқа берілді

84 отандасымызға «Болашақ» халықаралық стипендиясы берілді. Шетелде кадрлар даярлау жөніндегі республикалық комиссияның кезекті отырысында осындай шешім қабылданды, деп хабарлайды «Хабар 24».

Жиынға  Мемлекеттік кеңесші Ерлан Қарин төрағалық етті. Отырыс барысында Президент Қасым-Жомарт Тоқаевтың «Болашақ» бағдарламасын қайта бағдарлау жөніндегі тапсырмасын орындау, инженерлік-техникалық кадрларды даярлау мәселелері талқыланды. Биыл магистратура мен резидентурада оқу үшін 385 стипендия, докторантураға 60 стипендия бөлінді. Отырыс қорытындысы бойынша Мемлекеттік кеңесші бірқатар нақты тапсырма берді.