430,39 515.14 5.65
+7 (7172) 757 485 24kz@khabar.kz
ҚАЗ

Сегіз облыста ауа райы туралы ескерту жарияланды

  • 229
  • UPD: 23:50, 18.03.2021
Сегіз облыста ауа райы туралы ескерту жарияланды

19 наурызда Ақтөбе облысының кей жерлерінде жаяу бұрқасын соғады, көктайғақ болады. Желдің бағыты оңтүстік-шығыстан оңтүстік-батысқа ауысады, кей жерлерде 15-20 м/с, түнде екпіні 23 м/с жетеді. Ақтөбе қаласында ертең түнде көктайғақ болады.

19 наурызда Атырау облысының кей жерлерінде тұман түседі, найзағай жарқылдайды. Солтүстік-батыс, батыстан соғатын желдің күші 15-20 м/с жетеді. Атырау қаласында ертең күндіз солтүстік-батыс, батыстан соғатын желдің екпіні 15-20 м/с жетеді.

19 наурызда Ақмола облысында оңтүстік-шығыстан жел соғады, күші кей жерлерде 15-20 м/с жетеді. Көкшетауда ертең оңтүстік-шығыстан жел соғады, күндіз екпіні 15-20 м/с жетеді.

19 наурызда Маңғыстау облысының кей жерлерінде найзағай жарқылдайды. Солтүстік-батыстан жел соғады, кей жерлерде 15-20 м/с жетеді.

19 наурызда Қызылорда облысының кей жерлерінде найзағай ойнап, тұман түседі. Оңтүстік-шығыстан батысқа ауысып жел соғады, күші түнде кей жерлерде 15-20, күндіз 15-20, екпіні 25 м/с болады. Қызылорда қаласында ертең күндіз найзағай жарқылдайды. Оңтүстік-шығыстан батысқа ауысып жел соғады, күші 15-20 м/с жетеді.

19 наурызда таңертең және күндіз Қостанай облысының кей жерлерінде жауын-шашын (жаңбыр, қар) түседі. Кей жерлерде тұман түседі, көктайғақ болуы мүмкін. Оңтүстік-шығыстан жел соғады, күші кей жерлерде 15-20 м/с, күндіз екпіні 25 м/с жетеді. Қостанай қаласында ертең күндіз көктайғақ болуы ықтимал.

19 наурызда күндіз Шығыс Қазақстан облысында оңтүстік-шығыстан жел соғады, күші кей жерлерде 15-20, екпіні 25 м/с жетеді. Өскеменде ертең күндіз оңтүстік-шығыстан соғатын желдің екпіні 15-20 м/с жетеді. Семейде ертең күндіз оңтүстік-шығыстан соғатын желдің екпіні 15-20 м/с жетеді.

19 наурызда күндіз Қарағанды облысының кей жерлерінде көктайғақ болуы мүмкін. Қарағанды қаласында ертең күндіз оңтүстік-шығыстан жел соғады, екпіні 15-20 м/с жетеді. Жезқазғанда ертең күндіз оңтүстік-шығыстан жел соғады, екпіні 15-20 м/с жетеді.

Хабар 24 телеарнасы