Тұмаудан қалай қорғануға болады

Биыл тұмау ересектерде де, балаларда да қиын жағдайда өтуі мүмкін, дейді елордалық мамандар. №3 көпбейінді қалалық балалар ауруханасы директорының емдеу ісі жөніндегі орынбасары Роза Өтегенова тұмаудан иммунитетті қалай қорғауға болатыны туралы кеңестер берді, деп хабарлайды Нұр-Сұлтан әкімдігінің ресми сайты.

«Тұмау ауруының өршуі күзгі-қысқы айларға тән. Қазіргі уақытта тұмау және жедел вирустық инфекция маусымы басталады, ол бұрынғыға қарағанда ауыр. Бұл кез келген жастағы адам ауырып қалуы мүмкін вирустық ауру, ол адамның өмірі мен денсаулығына үлкен қауіп төндіреді», - дейді жоғары санатты дәрігер.

Ол көптеген адам интернетте осы тақырып бойынша түрлі материалдарды оқып, сол жолмен өзін-өзі емдейтінін атап өтті. Роза Өтегенованың айтуынша дұрыс емделмеген жағдайда ауру жылдам өршуі мүмкін. Ал асқынған ауруды емдеу қиынға түседі.

«Елорда тұрғындары арасында тұмаудың алдын алу шараларын үнемі жүргізіп отырамыз. Тұмаудың алдын алудың жалғыз тиімді әдісі – вакцинация. Ауырған кезде өз бетімен емделуге болмайды. Науқас міндетті түрде дәрігерді үйіне шақыруы керек. Дәрігердің қарауынан кейін тағайындалған емдеу шараларын ғана қолдану қажет. Артроз аурудың басында жедел емдеу кезінде көкжөтел және т.б. сияқты асқынуларға әкелмейді, егер елорда тұрғындары көбірек вакцинация алса, тұмау ауруы төмендейді», - дейді педиатр.

Сондай-ақ, дәрігер коронавирус ауруы мен тұмау арасындағы айырмашылықты түсіндірді.

«Тұмаумен ауыратын науқаста дене температурасы 38-39 градусқа дейін көтеріледі. Әлсіздік, мұрынның бітелуі пайда болады. Ал коронавирус кезінде температура қатты көтерілмейді және шамамен 37 градус деңгейінде сақталады. Әлсіздік басым болады. Егер температура үш күн ішінде төмендемесе, әлсіздік жалғасады, дәм мен иіс сезу жоғалады, сонымен қатар тыныс алу мен жөтел пайда болады, бұл коронавирустың белгілері», - деп түсіндірді №3 МҚМ директорының орынбасары.

Роза Өтегенованың айтуынша, тұмауға қарсы вакцинацияланған адамдар вирус жұқтырмауы мүмкін.

Дәрігер сонымен қатар COVID-19 жұқтырған және аурудан айықпаған науқастарға тұмау кезінде абай болуды кеңес етті.

Спикер тұмаудан қорғану туралы қарапайым, бірақ құнды кеңестер берді:

- таза ауада жиі серуендеу. Тыныс алуды реттеу өкпеге ауа баруын арттырады, қанайналым жүйесін жақсартады;

- жеке гигиенаны сақтау, қолды сабынмен және спирт негізіндегі құралдармен жиі жуу;

- үй мен жұмыс орнын үнемі желдету;

- «С» витамині бар өнімдерді (лимон, бал, таңқурай және т.б.) тамаққа пайдалану;

- дене шынықтырумен, спортпен айналысу.