Елде 23,3 млн тонна астық бастырылды

Елде егін орағы аяқталуға жақын. Бүгінге дейін 23 млн тоннадан астам астық қамбаға құйылды. Дәнді және дәнді-бұршақты дақылдардың болжамды жинау алаңы 16 млн гектардан асады. 

Қазір жалпы егіс алқаптарының 90,7 пайызы жиналды. 1,8 млн тонна майлы дақыл, 2,6 млн тонна картоп және 3 жарым млн тонна көкөніс терілді. Бақша дақылдарының 97 пайызы жиналып, 2,3 млн тоннадан астам өнім алынды.