Ұлттық статистика бюросы Қазақстандағы орташа айлық жалақы мөлшері туралы мәліметтерді жариялады, деп хабарлайды «24KZ».
2026 жылдың I тоқсанымен салыстырғанда орташа жалақы 5,4%-ға артты. Бұл ретте нақты жалақы индексі өткен тоқсанмен салыстырғанда 98,2%-ды, ал 2025 жылдың II тоқсанымен салыстырғанда 103%-ды құрады.
2026 жылдың қаңтар-маусым айларында орташа айлық атаулы жалақы 480 461 теңге болды. Жылдық мәнде ол 10,3%-ға өсті. Осы кезеңдегі нақты жалақы индексі 99,4%-ды құрады.
II тоқсанда ең жоғары орташа айлық жалақы тау-кен өндіру өнеркәсібінде тіркелді - 980 334 теңге. Жалпы өнеркәсіп саласында бұл көрсеткіш 673 796 теңгені құрады. Құрылыс саласында орташа жалақы 573 110 теңгеге, электр энергиясымен, газбен, бумен және ыстық сумен жабдықтау саласында 504 412 теңгеге жетті. Көтерме және бөлшек саудада, сондай-ақ автомобильдер мен мотоциклдерді жөндеу саласында көрсеткіш 451 524 теңгені құрады.
Қазақстан өңірлері бойынша орташа жалақы
Өңірлер арасында 2026 жылдың II тоқсанында ең жоғары орташа айлық жалақы Атырау облысында белгіленді - 631 555 теңге. Одан кейін Маңғыстау облысы - 607 383 теңге және Астана қаласы - 581 183 теңге орналасқан. Алматыда орташа жалақы 490 868 теңгені, Қарағанды облысында 470 390 теңгені құрады. Ең төменгі көрсеткіш Жамбыл облысында - 375 456 теңге, Жетісу облысында - 377 798 теңге және Батыс Қазақстан облысында - 402 028 теңге болып тіркелді.
