Астанадағы автобус апатынан зардап шеккен төрт адамға операция жасалды
Өткен аптада елордада қоғамдық көліктің бағанаға соғылып, 15 адамның зардап шеккенін айтқан едік.
Түрлі дене жарақатын алған жолаушылар номері 1 көпбейінді қалалық ауруханаға жеткізілген болатын. Дәрігерлердің тексеруі нәтижесінде 8 адам үйіне амбулаторлық ем қабылдауға жіберілді. 7 науқас стационарлық емін жалғастырып жатыр. Оның ішінде төртеуіне операция жасалды. Барлығы медицина қызметкерлерінің ұдайы бақылауында қажетті ем-домын алып жатыр.