«Қазақстан» шахтасындағы кеншілер өліміне топ-менеджерлер кінәлі деп танылды

«Қазақстан» шахтасындағы бес кеншінің өліміне бұрынғы «АрселорМиттал Теміртау» кәсіпорнының төрт топ-менеджері кінәлі деп танылды, деп хабарлайды 24KZ. Олардың қатарында өндіріс жөніндегі директордың орынбасары және конвейерлік көлік учаскесінің бастығы бар. Қарағанды өңіріндегі Шахтинск қалалық сотының шешімі бойынша кінәлілер 4 жылға бас бостандығынан айырылады.

Еске салайық, шахтадағы өрт 2023 жылдың тамызында болды.