ХАМАС «Қызыл крестке» төрт израильдік тұтқынның мәйітін табыстады

ХАМАС «Қызыл крест» халықаралық комитетіне 4 израильдік тұтқынның мәйітін табыстады.

"Таймс оф Израиль" ((The Times of Israel)) басылымының хабарлауынша, құрбандардың ең үлкенінің жасы 85-те. Мәйіттерді қайтару процесі Хан-Юнис қаласында іске асты. Израиль билігі енді олардың жеке басын анықтайды. Сондай-ақ Рамалла қаласына палестиналық тұтқындар мінген автобус келді. Оларды туыстары ерекше қуанышпен қарсы алған. 19 қаңтарда Газа секторында оқ атуды тоқтату режимі басталды. Осы уақытқа дейін 25 израильдік тұтқын мен 5 Таиланд жұмысшысы және мыңнан астам палестиналық босатылды.