Елдегі қоқысты өңдеу көрсеткіштері

Жыл сайын елдегі полигондарға 4,5 млн тоннадан астам қоқыс шығарылады. Бүгінде оның 25,8 пайызы ғана қайта өңделеді екен. Экология және табиғи ресурстар министрлігі 2029 жылға қарай оның үлесін 40 пайызға жеткізуді  көздеп отыр.

Әзірге өңірлердегі қайта өңдеу көрсеткіші көңіл көншітерлік емес. Мәселен, Ұлытау, Маңғыстау, Солтүстік Қазақстан облыстары мен Алматы және Шымкент шаһарларында қоқыс өңдеу саласы ақсап тұр. Айта кету керек, Қазақстанда тұрмыстық қалдықтың бәрі бірдей өңделе бермейді. Әзірге елімізде пластик ыдыс, полиэтилен қаптамалар, қағаз-картон, шыны ыдыс пен аллюминий қалбырларын қайта өңдеу жолға қойылған.