Ақмола облысында «Eco Project Fest» жастарды біріктірді
Ақмола облысының Жақсы ауданында 100-ден астам белсенді экологиялық жобалар байқауына атсалысты.
Табиғатқа бейжай қарамайтын жастар табиғи ресурстарды тиімді пайдалану, қалдықтарды сұрыптау, аймақты абаттандыру, пластик қалдықтарын азайту, сондай-ақ экологиялық таза технологияларды күнделікті өмірге енгізу тақырыптарында өз жобаларын ұсынды. Қазылар алқасының шешімімен үздік экологиялық бастамалар іріктеліп, елді мекендерде жүзеге асырылатын болды. Эко-фестиваль болашақта да идея алмасудың дәстүрлі алаңына айналмақ.