Шымкентте полицейлер заңсыз көші-қон арнасын тоқтатты
Күдіктілер ақшалай сыйақы үшін шетел азаматтарының ел аумағына келуін ұйымдастырып, оларды заңдастырумен айналысқан.
Операция барысында 28 тінту жүргізілді. Нәтижесінде он шақты шетелдік паспорт, байланыс құралдары, түрлі бланкілер мен жалған еңбек шарттары тәркіленді. Сонымен қатар ірі көлемдегі ақша және тіркелмеген қару алынды. Қылмыстық топтың ұйымдастырушысы уақытша ұстау изоляторына қамалды. Осы іске қатысы бар 13 адам полицияға жеткізілді. Тергеу жүріп жатыр.