5 жылда 274 мәдени нысан салынды
Кейінгі 5 жылда елде 274 мәдени нысан салынды. Сондай-ақ 1 293 өнер ордасы жөндеуден өтті. Биыл да 64 ғимараттың құрылысы жалғасып, 130-ы жаңғыртылып жатыр.
Әсіресе театр инфрақұрылымын дамыту ісі ілгерлеп келеді. Бірнеше жылдың бедерінде бас қаладағы Қалибек Қуанышбаев атындағы Қазақ ұлттық академиялық музыкалық-драма театры, Түркістандағы музыкалық-драма театры және Петропавлдағы Сәбит Мұқанов атындағы облыстық қазақ музыкалық-драма театрының жаңа ғимараттары пайдалануға берілді. Сонымен қатар кітап үйлерін жаңғырту жөнінде жол картасы қабылданып, бұған дейін Маңғыстау, Батыс Қазақстан және Түркістан облыстарында 3 жаңа кітапхана бой көтерді. Бұдан бөлек, жетпіс жетісіне жөндеу жұмыстары жүргізілді және 197 кітапхананың материалдық-техникалық базасы жаңартылды.
Салынды - 274
Жөнделді - 1 293
Салынып жатыр - 64
Жөнделіп жатыр - 130
Салынды - 3
Жөнделді - 77
Материалдық базасы жаңартылды - 197