СҚО-да «Судағы қауіпсіздік» акциясы өтті
Солтүстік Қазақстан облысының прокуратурасы Петропавл қаласындағы Төтенше жағдайлар департаментімен бірлесіп, «Судағы қауіпсіздік» акциясын жүргізді.
Негізгі мақсат – құқық бұзушылықтың және жазатайым оқиғалардың алдын алу. Іс-шара барысында мыңнан астам жадынама таратылды. Қайғылы оқиғалардың алдын алу мақсатында уәкілетті органдар тұрақты түрде рейдтер өткізеді. Қауіпті аумақтардың жанында 500-ден астам ескерту белгілері анықталды. Облыс прокуратурасы белгіленген тыйымдарды елемеу өмір мен денсаулыққа қауіп төндіріп қана қоймай, заң алдындағы жауапкершілікке де әкеп соғатынын еске салады.