Алматы қаласында қойма ғимараты өртке оранды. Қазір мамандар жоғары шақыру деңгейі бойынша қызыл жалынды ауыздықтауға тырысып жатыр, деп хабарлайды «24KZ».
Төтенше жағдайлар министрлігінің мәліметінше, Жетісу ауданы Тобаяқов көшесіндегі қойма ғимаратында өрт шыққан. Өртті сөндіру жұмыстарын ұйымдастыру үшін оқиға орнында жедел штаб құрылды. Өртті оқшаулау және оның таралуына жол бермеу мақсатында бірнеше өрт сөндіру учаскесі ұйымдастырылып, күштер мен құралдар жұмылдырылды.
Оқиғаның мән-жайы нақтылануда.
«24KZ» Telegram-арнасына жазылыңыз