Өскеменде қоғамдық көлікте жүру ақысының жаңа тарифтері талқыланып жатыр. Қоғамдық тыңдау 15 қыркүйекке дейін «Ашық НҚА» порталында өтеді, деп хабарлайды 24KZ.
Жаңа тарифке сәйкес, жолақы қолма-қол ақшасыз төлем кезінде 120 теңге, ал қолма-қол төлеген жағдайда 200 теңге болуы мүмкін.
Қазір қаладағы жолақы тиісінше 90 және 130 теңге.
Бастапқыда тарифті 1 қыркүйектен бастап көтеру жоспарланған еді. Алайда өзгеріс қазан айының басына дейін кейінге шегерілді.
Жаңа тариф бойынша түпкілікті шешім қоғамдық талқылау аяқталғаннан кейін қабылданады.
