Қазақстанда «Формула-1» жарысына арналған трасса салу ұсынылды

Елордада «Формула-1» жарысына арналған трасса салынуы мүмкін.

Қоғамдық тыңдауда кәсіпкер осындай бастама көтерді. Құжатты әзірлеу барысында Астананың туристік әлеуеті сараланған. Әрі алыс-жақын елдердің тәжірибесі ескерілген. Жоба авторлары осылайша бас қалаға келетін саяхатшылар ағынын арттыруға болатынын айтып отыр. Яғни жылына 6 млн-ға дейін турист тартуға мүмкіндік туады. Жиында сондай-ақ Open Air іс-шаралары өтетін алаң, аттракциондар паркі, этноорталық және гастрономиялық көшелер салу ұсынылды. Бұл бастамалар елорданың туризм саласын дамыту стратегиясын әзірлеу аясында қарастырылып отыр.