Елордада Мұхтар Шахановпен шығармашылық кездесу өтті

Елордада Қазақстанның халық жазушысы, көрнекті ақын Мұхтар Шахановпен кездесу өтті, деп хабарлайды 24kz.

Ақын оқырмандарына өмір жолы мен өнердегі белестерін баяндап берді. Ал қатысушылар Шаханов өлеңдерін оқып, драматургиялық туындыларынан үзінді қойды. Кездесу соңында ақын жиналған қауымға батасын беріп, тәуелсіздік күнімен құттықтады.

Мұхтар Шаханов, ҚР Халық жазушысы, ақын:

- Бар кезде Алла Тағала бәріңізді шындық биігінен көрінуге жазсын. Жұлдыздарыңыз әрқашан кез шындық биігінен жарқырай берсін. Әумин

Нұрасыл Наурызбай, оқушы:

- Мұхтар ата бүкіл әлем білетін кісі ғой. Мен өзім келгеніме қуаныштымын. Бала кезімнен бастап осы ақын аталарымның өлеңдерін оқып, құлағыма құйып өстім. Сөйтіп, қазір өзім де өлең шығарып жатырмын. Көп өлеңдерім осы ұлт туралы, тіл туралы, тәуелсіздік туралы.