Сертификатталмаған пиротехникалық заттар тәркіленді

Жаңа жыл басталмай жатып, елде 77 мың дана және 25 мың қорап сертификатталмаған пиротехника тәркіленді.

Құқық бұзушылықтар полицейлер мен өртке қарсы қызмет бірлесе өткізген жедел - алдын алу шаралары барысында анықталды. Мамандар пиротехникалық заттарды пайдалануда қауіпсіздік ережелері сақталмаса, зардабы ауыр болуы мүмкін дейді. Контрафактілік және қоршаған ортаға қауіпті өнімдерді сатудың жолын кесу мақсатында ұйымдастырылған іс-шараның алғашқы кезеңінде 172 заң бұзушылық анықталды. Екінші кезең 20 желтоқсан мен 3 қаңтар аралығында өтеді. Бұдан бөлек 20-31 желтоқсан аралығында Ішкі істер министрлігі «Шырша» жедел-профилактикалық іс-шарасын өткізбек. 

Асылбек Идрисов, ҚР ІІМ Әкімшілік полиция комитетінің басқарма бастығы:

- ӘҚБ кодексте азаматтардың тыныштығын бұза отырып, елдімекендерде және облыс үшін белгіленбеген жерлерде пиротехниканы қолданғаны үшін 436 баптың 2 бөлігімен 73 840 теңге болатын мөлшерінде айыппұл қарастырылған. Сондай-ақ тыныштықты бұзғаны 18 460 теңге айыппұл мөлшерінде қарастырылған. Сондай-ақ пиротехникалық бұйымдарды еркін саудалауға тыйым салынған немесе заңмен шектелген тауарлар ретінде қарайтын болсақ, ӘҚБ кодексінің 196 бабында 92 300 теңге айыппұл көзделген. Сондай-ақ бұл айыппұлдан басқа пиротехникалық бұйымдарды тәркілеу қарастырылған.