Израильде жолаушылар автобусында жарылыс болды

Израильде жолаушылар мінген 3 бірдей автобустың ішінде бомба жарылды. Оқыс оқиға Бат-Яме қаласында болды. Зардап шеккендер туралы әзірге ақпарат жоқ. 

Қазір тергеу жұмыстары жүріп жатыр. Жергілікті полицияның алдын-ала мәліметі бойынша, жарылыс лаңкестік әрекет болуы мүмкін. Бұдан бөлек, тағы 2 автобустан жарылғыш заттар табылды. Қазір қаладағы барлық қоғамдық көліктер уақытша тоқтатылды. Тергеу тобы автобус, пойыз және метрода қауіпті заттардың бар-жоғын анықтау үшін тінту жұмыстарын жүргізді.