Нигерияда шабуылдардан 51 адам қаза тапты

Нигерияның орталық аймағында қылмыстық топтың шабуылынан 51 адам қаза тапты. «Рейтердің» хабарлауынша, құрбандар арасында шаруалар мен малшылар көп.

Қайғылы оқиға Плато штатында болған. Қылмыстық топтар ауылдарды басып алып, тұрғындарға оқ жаудырды. Екі мыңнан астам адам бас сауғалап кеткен. Бұл шабуылдарды әзірге ешбір ұйым өз мойынына алған жоқ. Жергілікті полиция қақтығыстар діни алауыздық себебінен туындаған деп есептейді.