Газа секторында соңғы тәулікте 87 адам ажал құшты

Израиль армиясының Газа секторына жасаған кейінгі соққыларынан бір тәулікте 87 адам мерт болды, деп хабарлайды 24kz.

644 тұрғын түрлі дене жарақатын алды. Әуе шабуылдары аймақтың солтүстік және оңтүстігіне жасалған. Жергілікті биліктің мәліметі бойынша бірнеше тұрғын үй мен уақытша баспаналар қирады. Израиль мамырдан бері ХАМАС-ты жою және тұтқындарды босату мақсатында «Гидеон арбалары» операциясын жүргізіп келеді. Жалпы 2023 жылдың қазанынан бері Газа секторында 61 мыңнан астам адам қаза тапты.