Мароккода тасқыннан 37 адам опат болды

Марокконың батысындағы су тасқынынан 37 адам қаза тапты.

Тағы 32 адам жарақаттанды. Зардап шеккен аймақтарда 70-тен астам үй су астында қалды. Мыңдаған жергілікті тұрғын тасқыннан үйлерін тастап кетуге мәжбүр болды. Аймақта іздестіру-құтқару жұмыстары жүргізіліп жатыр. Метеорологтардың болжамынша, өңірде алдағы күндері тағы да  жауын-шашын күтіледі.