Нигерияда қарулы шабуылдан 30 адам қаза тапты

Нигерияның Нигер штатында қарулы топтың шабуылынан кемінде 30 адам қаза тапты.

Бірнеше адам жоғалып кетті. Оқиға Демо ауылындағы Касуван-Даджи базарында болған. Куәгерлердің айтуына қарағанда, қарулы топ мүшелері мотоциклмен келіп, адамдарға оқ жаудырған. Кейін дүкендерді тонап, өрт қойған. Билік шабуылға қатысты ешқандай мәлімдеме жасаған жоқ. Бұған дейін ұқсас жағдай көрші елді мекендерде де болды. Қазір оқиға бойынша тергеу жүріп жатыр.