Көкпен таласқан зәулім ғимарат

144 жыл бойы салынып келе жатқан Барселонадағы атақты Sagrada Família ғибадатханасының биіктігі 172,5 метрге жетті. Бұл ең жоғарғы биіктік.

Көкпен таласқан зәулім ғимараттың құрылысы 1882 жылы басталған. Мұнараның ресми ашылуы биыл 10 маусымға жоспарланған. Бұл ғибадатхананың жобасын әзірлеген сәулетші Антонио Гаудидің өмірден өткеніне 100 жыл толуымен тұспа-тұс келеді. Атақты сәулетші жобаға ғұмырының 43 жылын арнаған. Алайда ғимараттың құрылыс жұмыстары толық аяқталған жоқ. Әлі он жылға созылуы мүмкін. Дегенмен нысан әлемдегі ең биік шіркеу ретінде танылып, Барселонадағы туристер көп баратын орынға айналған.