Израиль Иранға шабуылды жалғастыруы мүмкін
Израиль Иранға жаңа күшпен соққы беруге сақадай сай отыр. Ynet басылымының дерегі бойынша, ЦАХАЛ Бас Штабының бастығы Эяль Замир сарбаздарына қырағы болуды тапсырды.
Ал Kan телеарнасының мәліметіне қарағанда, қазір Тель-Авив Вашингтонның бұйрығын күтіп отыр. Осыған дейін Құрама Штаттар таяуда Ислам Республикасына қарсы қайта шабуыл бастауы мүмкін деген ақпар тарады. Еске салайық, 8 сәуірге қараған түні АҚШ пен Иран 2 аптаға оқ атпауға келіскен еді.