Ормуз бұғазы арқылы кеме қатынасы қысқарды
АҚШ пен Иранның текетіресінен кейін Ормуз бұғазы арқылы кеме қатынасы қайта қысқарды. Бір тәулік ішінде небәрі сегіз кеме ғана өтті.
Оның 7-еуі Иран ұсынған бағытты пайдаланған. Теңіз деректерін жинақтайтын халықаралық Kpler фирмасының мәліметі бойынша, бұл кейінгі үш аптадағы ең төменгі көрсеткіш. Кеме қатынасының қайтадан азаюына танкерлерге жасалған шабуылдар мен АҚШ-тың әскери-теңіз тосқауылының қайта іске қосылғаны себеп. Халықаралық энергетика агенттігінің атқарушы директоры Фатих Бирол Ормуз бұғазындағы кеме қатынасы тез арада қалпына келмесе, әлемді энергетикалық дағдарыс күтіп тұрғанын айтады.