Адамдар үйінді астында қалып қойды: Үндістанда ғимарат құлап, 9 адам қаза тапты
Үндістанның Махараштра штатында ғимарат құлап, салдарынан 9 адам көз жұмды, деп хабарлайды «24KZ».
Жергілікті билік өкілдерінің мәліметінше, штаттың Тхане ауданында 4 қабатты ғимараттың бір бөлігі опырылып құлаған.
Қазіргі уақытта үйінді астынан 9 адамның денесі шығарылған. Хабарларға қарағанда, қирандылардың астында әлі де адамдар болуы мүмкін.
Билік сондай-ақ оқиға орнында іздеу-құтқару жұмыстары жалғасып жатқанын жеткізді.
«24KZ» Telegram-арнасына жазылыңыз