Непалда опат болғандар саны артты

Непал мен Тибет шекарасындағы жойқын тасқыннан қаза тапқандар саны 750-ге жетті. Оның 16-сы Тибетте, 734-і Непалда тіркелген.

Бұл туралы жергілікті ақпарат құралдары хабарлады. Қазір іздеу-құтқару жұмыстары жалғасып жатыр. Үш мыңға жуық адам хабар-ошарсыз кеткен. Өңірде нөсер жаңбыр әлі де жауып, өзендегі су деңгейі көтерілуде. Осыған байланысты елдің үш ауданында тұрғындарға шұғыл ескерту жасалып, халықты қауіпсіз жерге көшуге шақырды.