Малавиде науқастарды емдеу үшін далаға шатырлар тігіле бастады

Малавиде коронавирус ушығып барады, деп хабарлайды «Хабар 24».

Африкалық мемлекетте бір күннің ішінде 25 мыңға жуық науқас тіркелген. Бұл былтыр 27 желтоқсандағы көрсеткіштен 4 есе жоғары. Бір айдан кейін Малави азаматтарына «АстразЕнека» вакцинасы салына бастайды. Екпені 3 миллион 800 мың тұрғын қабылдайды. Бұл – жергілікті халықтың 20 проценті. Ең қиыны, елде аурухана мен емханада орын жетіспей жатыр. Ашық далада шатырлар тігіле бастаған.

Обри Филемон, медицина қызметкері:

– Бізге келген COVID-19 жұқтырған науқастардың көбі кемінде 1-2 күн төсек орнының босағанын күтуге мәжбүр болуда. Қауіпті ауруға шалдыққан адамдардың шарасыз жүргенін көргенде жанымыз ашиды.