433,55 515.14 5.60
+7 (7172) 757 485 24kz@khabar.kz
ҚАЗ

АҚШ-та арзан вакцина сатуға уәде беретін алаяқ көбейді

  • 146
  • UPD: 14:01, 14.03.2021
АҚШ-та арзан вакцина сатуға уәде беретін алаяқ көбейді

«Аңқау елге арзан вакцина сатамын» деп байып кетуге бекінгендер бар екен. Олар пандемия кезінде жұрттан айласын асырып жүрген көрінеді. АҚШ-тың бірнеше штатында «ковид індетіне қарсы вакцинаны төмен бағаға алуға көмектесеміз» деп, халықты алдап келген алаяқтар саны тіпті артыпты.

Жалған ақпарат таратып, халықтан заңсыз жолмен ақша тауып келген 80 мыңнан астам домен блокталды. Оларға түскен пайда шамамен 33 млн долларды құрайды деп мәлімдеді АҚШ-тың Ұлттық Қауіпсіздік саласының мамандары.

Айтуларынша, АҚШ-тағы Пфайзер, Байонтек немесе Джонсон анд Джонсон компаниялары вакцина салдыру үшін қаражат сұрауға хақысы жоқ.

Келли Гриз, сарапшы:

- Егер коронавируске қарсы вакцина алғыңыз келсе, ресми компаниялардың өкілдеріне хабарласуыңыз керек. Қазір интернет желіліерінде аты-жөніңізді, туған жылыңызды, туып өскен еліңізді сұрайтын пысықтар толып жүр. Адамның жеке басына қатысты ақпараты сұрап алып, ковид екпесін тез арада салдыруды ұсынатын алаяқтар көбейді. Артынша төлем талап етеді. Олардың есеп-шотына ақша аудармаңыз. Алданасыз. Екпені кезектен тыс алуға көмектесеміз десе де абай болыңыз. Олар да алдаушылар.

Хабар 24 телеарнасы