Филиппин астанасында вирустың ушығуына байланысты локдаун жарияланды

Филиппин астанасы Манилада локдаун жарияланды, деп хабарлайды «Хабар 24».

Бұған аймақта коронавирустың «Дельта» штамының кең етек жаюы себеп. Шектеу шаралары тамыздың 20-сына дейін жалғаспақ. Осы уақыт аралығында жергілікті тұрғындар үйлерінен тек азық-түлік дүкені мен ауруханаға ғана шыға алады. Аймақтағы коменданттық сағат та өз күшінде қала бермек. Ал, қала сыртында блок-бекеттер орнатылды. Айта кетейік, ел астанасында осымен үшінші мәрте қатаң локдаун жарияланып отыр.