426,14 492.05 5.99
+7 (7172) 757 485 24kz@khabar.kz

Сингапурде жұмысқа келген барлық шетелдіктерге КВИ-ге қарсы вакцина егілмек

  • 79
  • UPD: 23:51, 02.10.2021
Сингапурде жұмысқа келген барлық шетелдіктерге КВИ-ге қарсы вакцина егілмек

COVID-19 таралуына жол бермеу жөніндегі ВАК баспасөз қызметі әлемдегі коронавирус пандемиясы туралы мәліметтер жариялады, деп хабарлайды Хабар 24.

Киев билігі коронавирусқа қарсы вакцинация курсынан өтпеген адамдар үшін қалалық көлікте жүруге және қоғамдық орындарға баруға тыйым салуды қарастыруда. Бұл туралы Украина астанасының мэрі Виталий Кличко мәлімдеді. Оның айтуынша, Киев ауруханаларында қазір коронавируспен ауыратын 1 200-ден астам науқастың жағдайы ауыр.

Сингапурға жұмысқа келген барлық шетелдіктерді коронавирусқа қарсы егу керек, – деді елдің Денсаулық сақтау министрі. Талап 7 қазаннан бастап күшіне енеді және республикаға жұмысқа келген шетелдік студенттер мен шетелдіктердің отбасы мүшелеріне де қолданылады.

Малайзияда қыркүйек айында 9671 адам коронавирустан қайтыс болды. Бұл – пандемия басталғаннан бері қайтыс болғандардың үштен бірі. Елдің Денсаулық сақтау министрлігі ауруханалар мен зертханаларға жүктеменің артуы салдарынан кейбір өлім туралы мәліметтер жарияланды деп мәлімдеді.

Хабар 24 телеарнасы