Мексикада газ құбыры жарылды
Мексиканың Пуэбла штатында газ құбыры жарылды. 54 үй мен бірқатар мекеменің күл-талқаны шықты. 1 адам мерт болған.
Тағы 10-нан астамы жарақат алды. Оның екеуі ауыр халде жатыр. Газдың жылыстауынан жарылыс бірнеше мәрте қайталанған. Қазір оқиға орнында құтқарушылар жұмыс істеп жатыр. Апат аймағынан 2 мыңнан астам адам эвакуацияланды.
Қала губернаторының хабарлауынша, мамандар үйінділер астында адам бар жоғын тексеріп жатыр.
Жергілікті тұрғын:
- Газдың иісі қатты сезілді. Құжаттарымызды сыртқа алып шығаруға үлгірмедік. 200 шаршы метр болатын баспанам толық қирап қалды. Енді үйінділер астынан жоғалған құжаттарымды іздеп табуым керек.