Украинада ең үлкен хот-дог дайындалды

Украинаның Харьков қаласында ел тарихындағы ең үлкен хот-дог дайындалды. Бұл туралы сенбі, 20 қарашада Украинаның Ұлттық рекордтар тізілімінің жетекшісі Лана Ветрова Facebook-тегі парақшасында хабарлады.

Хот-дог Украинаның Ұлттық рекордтар кітабына енді. Оның ұзындығы 2 метрден асады, салмағы 16 кг. Осындай алып хот-догты сахнаға шығару үшін алты адам қажет болған.

Хот-дог мөлшері бойынша рекорд жасау үшін жергілікті ет комбинатының қызметкерлері өте үлкен классикалық шұжық дайындаған. Оның ұзындығы – 2 м 16 см. Сондай-ақ аспаздарға шұжықты қуыру үшін бірнеше литр тұздық, пешке арналған арнайы құрылғы қажет болған. Дәстүр бойынша фаст-фудты дайындау үшін кореялық сәбіз, маринадталған қияр, маринадталған пияз және ірімшік қолданылды.