Колумбияда жедел жәрдем көлігінен 118 келі есірткі табылды

Колумбияда полицейлер жедел жәрдем көлігінен 118 келі есірткі тапты.

Ақпарат көздерінің хабарлауынша, арнайы операция кезінде көлікте коронавирусқа шалдыққан науқас болған. Бақылау-өткізу бекетінде тексеріс үшін тоқтатылған көліктің жүргізушісі науқасты қай ауруханаға жеткізуді білмеген. Тәркіленген кокаин санитарлық зембілге тығылған. Оқиғаға қатысты қылмыстық іс қозғалып, 5 адам қамауға алынды. Колумбия әлемде кокаинның ең ірі өндірушілерінің бірі болып саналады.

Хуан Либрерос, полиция өкілі:

- Тексеріс кезінде көлік жүргізушісі аурухананың мекен-жайын білмеген. Полиция қызметкерлері санитарлық ережелердің сақталмауынан әрі ковидке шалдыққан науқасқа тиісті жәрдем көрсетілмегеніне күдіктене бастағандықтан тінту жүргізген. Нәтижесінде 120 келі кокаин тәркіленді.