АҚШ әскері Польшаның Жевуш қаласына жетті

АҚШ әскері Польшаның Жевуш қаласына жетті.

Ақпарат көздерінің хабарлауынша, олар елдің оңтүстік шығысындағы Украинамен шектесетін аймақта орналаспақ. Жуырда ресми Вашингтон Польшаға 1 мың 700 күшін жөнелтетінін хабарлаған болатын. Айтуынша, америкалық әскер Украинаға кіргізілмейді. Тек НАТО-ның шығыстағы қорғанысын күшейтеді.

Айта кетейік, Украинаға қатысты жағдайдың ушығуына байланысты Құрама Штаттар 2 мың сарбаз бен офицерін Еуропаға жіберуге шешім қабылдаған болатын. Оның бір бөлігі Польшада болса, қалғандары Румыния мен Германияға орналаспақ.