Аргентинада алты жастан асқан балаларға Moderna вакцинасын салады

Зерттеулер алты жастан 11 жасқа дейінгі жас тобындағы вакцинаның тиімділігі табыс критерийлеріне сәйкес келетінін көрсетті, деп хабарлайды «Хабар 24».

Бұл туралы Аргентинаның Денсаулық сақтау министрлігі мәлім етті. Аргентина ұлттық дәрі-дәрмек, азық-түлік және технологияларды бақылау органының ұсынысына сәйкес Денсаулық сақтау министрлігі алты жастан 11 жасқа дейінгі балаларға Moderna вакцинасын қолдануды кеңейтеді.

«Зерттеулер алты жастан 11 жасқа дейінгі жас тобындағы вакцинаның тиімділігі табыс критерийлеріне сәйкес келетінін көрсетті», – деді Денсаулық сақтау министрлігі. Ведомствоның хабарлауынша, балаларға 28 күндік үзіліспен препараттың екі дозасы беріледі.

Қазір Аргентинада үш жастан бастап балалар коронавирусқа қарсы егіледі. Елімізде бес жасқа дейінгі балалар үшін қытайлық Sinopharm компаниясының препараты ғана қолданылады. Бес жастан бастап балалар да американдық Pfizer компаниясының вакцинасымен егіледі.

Бүгінгі таңда Аргентина халқының 80%-ке жуығы толықтай вакциналанған. Пандемия басталғаннан бері елде коронавирус инфекциясының 8,97 миллион жағдайы анықталып, 127 мың науқас қайтыс болды.