Уилл Смит алғаш рет «Оскар» сыйлығын жеңіп алды

Уилл Смит «Король Ричард» драмасында ойнаған рөлі үшін «Үздік ер адам рөлі» номинациясы бойынша «Оскар» жеңіп алды, деп хабарлайды «Хабар 24».

Бұл туралы ABC арнасындағы «Оскар» сыйлығының тікелей қосылымында көрсетілді.

Голливуд жұлдызы «Оскар» сыйлығына үш рет ұсынылған, бірақ оған алғаш рет қол жеткізіп отыр. Фильмде ол Ричард Уильямс есімді әкенің рөлін сомдады. Оның отбасында бес қызы бар, екі қызы теннис жұлдызы болғысы келеді. Ол Серена мен Венера есімді қыздарын кәсіби біліктілігі болмағанына қарамастан, өзі жаттықтырады.

Дәл осы жүлдеге Хавьер Бардем («Рикардо сияқты»), Бенедикт Камбербэтч («Иттің күші»), Эндрю Гарфилд («Тик-Ток... Бум!») және Дензел Вашингтон («Макбет трагедиясы») сияқты үміткерлер таласты.

Сондай-ақ саңырау-мылқау актер Трой Коцур «Екінші пландағы үздік ер адам рөлі» номинациясы бойынша «Оскар» сыйлығына ие болды. Ол 17 жастағы қызы ғана естіп, сөйлей алатын отбасындағы әкенің рөлін сомдады. Коцур «Оскар» сыйлығына алғаш рет ұсынылып отыр. Трой Коцур – «Оскар» алған екінші саңырау-мылқау актер.