АҚШ-та дауылдан ондаған адам зардап шекті
Техастың орталығында ойран салған дауылдан 23 адам түрлі жарақат алды, деп хабарлайды «Хабар 24».
Олардың 12-сі ауруханада. Бір адам ауыр халде жатыр. Ақпарат көздерінің хабарлауынша, долы дауыл Техастан бөлек тағы бірнеше штатта мінез көрсеткен. Салдарынан Айова, Небраска, Миннесотада электр желілері үзіліп, ағаштар құлаған. АҚШ-тың дауылдарды болжау орталығының айтуынша, жақын арада табиғат апаты Миссисипи өзенінің бойы мен тағы бірнеше оңтүстік өңірдегі штаттарда қайталануы мүмкін.