Непалда туристер үшін шекара ашылды
Непал туристерге шекарасын айқара ашты, деп хабарлайды «Хабар 24».
Ел аумағы осыдан 2 жыл бұрын коронавирус шектеулеріне байланысты шетелдіктер үшін жабылған болатын. Осының кесірінен таудағы бизнес шығынға белшеден батты. Осы салада жұмыс істейтін 30 миллионға жуық тұрғын дағдарыс зардабын тартты. Енді Непал шамамен 2 жарым миллиондай турист қабылдауға дайын. Жергілікті турагенттіктер бұрынғы бағдардан бөлек жаңа саяхат жолдарын ашып жатыр. Тізімде парашютпен секіру, парапланеризм, банджи-джа́мпинг пайда болды. Мамандардың айтуынша, туризмді індетке дейінгі қалпына келтіру үшін біраз уақыт керек.
– 2021 жылы Непалға келген туристер саны мыңға жетпеді. Ал биыл саясхатшылар қатары 78 мыңға жетті. Бұл біз үшін жақсы көрсеткіш.
– Непалға жақын айларда келетін туристер саны еселеп артады деп сенеміз. Туризм ел экономикасын қалпына келтіру үшін өте маңызды.