Непалда жоғалған ұшақ тауға құлаған

Непалда жоғалған ұшақтың бөлшектері табылды. Бұл ақпаратты жергілікті әскерилер растады.

Апат орнына шұғыл түрде құтқарушылар мен әскерилер аттанған. Әзірге ұшақта болған адамдардың өлі-тірісі белгісіз. Бортында 22 адамы бар әуе кемесі бүгін туристік қала саналатын Покхарадан Джомсомға аттанған еді. Бірақ көп ұзамай онымен байланыс үзіліп, әуе кеңістігінен ғайып болған.