Netflix «Кальмар ойынының» екінші маусымы болатынын ресми түрде жариялады

Танымал оңтүстіккореялық «Кальмар ойыны» (Squid Game) телесериалының екінші маусымы шығады. Бұған дәлел – Netflix сайтында жарияланған режиссер Хван Дон-хектің хаты, деп хабарлайды ТАСС.

Бірінші маусымның басты кейіпкері мен антагонист экранға қайта оралады. Көрермендер сондай-ақ бірқатар жаңа кейіпкерлермен танысады.

Жаңа маусымның шығатын күні әзірге жарияланған жоқ.

«Кальмар ойыны» Netflix-тің ең сәтті телесериалы ретінде танылған. 2021 жылдың 17 қыркүйегінде шыққан сериалды көруге алғашқы төрт аптада көрермендер 1,65 миллиард сағаттан астам уақыт бөлген.