«Кәрі құрлық» өртке оранды
Биыл Еуроодақ елдері үшін қиын болып тұр. Ұйымның Дағдарысқа қарсы күрес комиссарының мәлімдеуінше, «кәрі құрлықта» жазда өрт көбейген деп хабарлайды «Хабар 24».
Мамандар бұған басты себеп - климат өзгерісі,- дейді. Тілсіз жаумен күреске қосымша өрт сөндіретін ұшақтар алу қажет. Қазір Еуропаның оңтүстігінде өрт болып жатыр. Мыңдаған маман қызыл жалынмен күні-түні арпалысуда. Тілсіз жау жүздеген адамның өмірін жалмады.
Жанез Ленарсис, ЕО Дағдарысқа қарсы күрес комиссары:
- Бұл жазда бәріміз үшін ауыр болғалы тұр. Былтыр да оңайға соқпаған болатын. Еуропалық одақ өз қаржысына «Рескю» ұйымынан өрт сөндіретін ұшақтар сатып алуды жоспарлап отыр.