Сириядан Түркия әскерін шығаруды талап етті
Түркия Сириядағы әскери әрекетін толық тоқтатсын. Сирияның Сыртқы істер министрі Фейсал Микдад осылай деп мәлімдеді.
«Екі ел арасындағы қалыпты қарым-қатынас оккупация тоқтағанда ғана орнайды», - деді ол.
Еске салайық, Сириядағы 12 жылдық қақтығыс кезінде Түркия оппозицияны қолдады және елдің солтүстігіндегі аймаққа өз әскерін енгізді. Ал Башар Асадтың негізгі одақтасы – Ресей Анкара мен Дамаск арасындағы қатынастың реттелгенін қалайды.
Фейсал Микдад, Сирияның сыртқы істер министрі:
- Оккупацияны жоймай, терроризмді тоқтатпай және қарым-қатынасты бастапқы күйіне қайтармай біз Түркиямен қалыпты байланысты қалпына келтіру туралы ештеңе дей алмаймыз.